Komentatori i njohur sportiv, Ylli Aga ka kritikuar paraqitjen e futbollistëve të kombëtares në sfidën ndaj Anglisë. Ai ka theksuar në veçanti se trajneri Edi Reja nuk e kishte studiuar mirë kundërshtarin ndërsa për Bajramin deklaroi se ishte një dështim i madh në këtë sfidë.
“Rezultati është gjëja e fundit ku dua të ndalem. U shfaqëm shumë inferiorë. Është shqetësuese që në pjesën e parë u shfaqëm inferiorë në një ndeshje të tillë.
Trajneri nuk e kishte studiuar mjaftueshëm Anglinë, vazhdoi me skemën 3-5-2.
Bajrami doli një blof shumë i madh, vetëm dy topa preku në pjesën e parë. Brojën mund ta mbante në stol vetëm për atë që ka bërë deri tani.
Shumë gjëra kërcasin. Ta mbyllim në mënyrën më të mirë, të fitojmë me Andorrën dhe ta mbajmë vendin e tretë”, tha Aga.
Discussion about this post