Mbrojtësi i skuadrës së Interit, Denzem Dumfris ka theksuar se nuk është aspak nën presion për të zëvendësuar denjësisht ish-lojtarin e zikaltërve Hakimi. Holandezi nuk bëri një ndeshje të mirë ndaj Sherif Tiraspol në Ligën e Kampionëve duke përfunduar në qendër të kritikave. Dumfries u ble në merkato për të zëvendësuar Hakimin por deri më tani nuk ka përmbushur pritshmëritë por shfaqet optimist.
“Presioni si pasardhës i Hakimit? “Nuk e ndjej. Ai zhvilloi një sezon të madh, bëri një punë shumë të mirë, por tani është radha ime. Kam besim tek vetja dhe e di që momenti im do të vijë”, theksoi Dumfries. Interi ka shfaqur jo pak probleme gjatë sezonit aktual në krahun e djathtë të mbrojtjes ku ka balotazh ndërmjet Dumfries dhe Darmian.
