Futbollisti i Egnatia, Franc Ymeralilaj u shpall njeriu i ndeshjes në duelin ndaj Vllaznisë. Pas barazimit me shkodranët ai shpalosi objektivat e ekipit rrogozhinas si dhe u ndal tek reagimi i Latifit.
“Ndodhin në çdo lloj ekipi këto gjëra. Dhe ai duhet ta mendojë vet që nuk duhet të reagojë në këtë lloj mënyrë, por janë nerva loje dhe justifikohet.
Filluam shumë keq kampionatin, objektivi jonë nuk është mbijetesa, por të marrim 3 pikët në çdo ndeshje, të ngjitemi sa më lart.
Kukësi na ka vënë shumë në vështirësi, ka shumë lojtarë cilësor në mesfushë dhe anësore, por i respektojmë të gjitha ekipet pasi kanë lojtarë cilësore. Dhe Ballshi kishte problemet e veta si çdo ekip, te Egnatia jam i kënaqur pasi ka diçka serioze, me objektiva me të gjitha.
Ne kemi luajtur me disa prej ekipeve të Superiores, dhe nuk ka diferenca të mëdha, nuk luajmë më emra por me lojtarë në fushë. Mund të bëjmë diçka këtë Superiore, pse jo”, u shpreh Ymeralilaj.
Discussion about this post