Zaptuesi dhe hajduti

Nga Bledar Marku

Kam lexuar shumë shkrime nga kolegë gazetar, disa nga të cilët e mbështesin nënë Lizën, e disa të tjerë janë në të njëjtën linje si qeveria, e cilësojnë atë “zaptuese”.

Më rreshtat e sponsorizuar nga qeveria dallohet qartë qëllimi, për të zbehur atë që po ndodh sot në Tiranë. Por këta sot po e përdori profesionin, nuk u ngritën në nivelin qytetar, nuk dolën në krah të atyre që po u vidhet prona, nuk denoncuan oligarkët që qëndrojnë në paradhomat e kryetarëve të bashkive dhe qeverisë.

Por zgjodhën, ose u detyruan të reagonte për këtë çështje duke marrë në mbrojtje xhelatin, atë që sot po “vret”, atë që sot po shpopullon Tiranën. Pra, morën në mbrojtje krimin e organizuar të cilët po pastrojnë paratë e pista me anë të ndërtimeve.

Tani i kam dy fjalë për Ministren Balluku.

Nënë Liza ka ardhur në Tiranë nga Mirdita.

Mirditorja Liza u bë e famshme pasi i shemben shtëpinë, ndërsa Balluku u bë e famshme pasi u bë ministre.

Tirana ka 30 vite që po ndërtohet, diku me vila private, për të cilat thuhet se janë informate, diku me vila super të shtrenjta që shkojnë ndoshta në 1 mln euro, e diku tjetër me gradaçela. Për gradaçelat dhe vilat 1 mln euroshe, askush nuk flet, ndërsa viktimat e qeverisë i cilëson vrasës, zaptues, përdhosës etj etj.

Për dijeni të ministres Balluku, ne “zaptuesit” erdhëm në Tiranë, blemë një pronë, morëm leje ndërtimi në vitin 1988, dhe ndërtuam banesat tona në vitin 1989, dhe sot pas 33 vitesh, na thuhet se nuk qenkemi pronarët e ligjshëm të pronave tona, edhe pse ajo është blerë e zhvilluar sipas ligjeve shqiptare dhe sot është në listën e atyre banesave që preken nga gjurma e devijuar e “Unazës së Madhe”.

Lind pyetja, pse po e mbron kaq fort Balluku këtë projekt korruptiv? A është e përfshirë në këtë skemë mafioze? Këto pyetje vijnë natyrshëm pas deklaratave të saj, ku u kujdes të nënvizonte se projekti ka pësuar devijime, por jo për të favorizuar ndërtues kullash as ndërtues qendrash tregtare… skandal..

Ndoshta zonja balluku nuk e di, por pushteti i asaj kohe, i xhelatit që të vriste e internonte, nuk të jepte leje ndërtimi në gjurmën e vjetër të unazës së madhe. Dhe ju zonja Balluku gënjyet kur thatë se projekti nuk ka ndryshuar, dhe po gënjeni edhe sot kur thoni se janë bërë devijime, por jo për afera klienteliste…..

P.s. A ka SPAK a zot SPAK-u që i heton këto gjëra?