Zbardhen detaje të reja nga arrestimi i 34-vjeçarit në Gjirokastër, i cili dyshohet se ka abuzuar seksualisht me një 17-vjeçare. Nga burimet bëhet me dije se i riu ishte njohur rastësisht me minorenen në spitalin e Gjirokastrës, ku kjo e fundit kishte të shtruar një të afërm. 34-vjeçari ka gjetur mundësinë dhe ka folur me të miturën, të cilën e ka ftuar dhe për kafe. Kjo e fundit ka pranuar dhe ka hipur në makinën e të riut, por ai nuk ka shkuar në asnjë lokal.
Burimet bëjnë me dije se në momentin kur të dy kanë qenë në makinë, 34-vjeçari ka nisur ta puthë e ta prekë minorenen në zonën intime. Ka qenë vetë 17-vjeçarja e cila ka treguar për ngjarjen në fjalë në shtëpi, pasi familjarët ishin alarmuar për orët e larguara nga banesa.
Nga rrëfimi i 17-vjeçares nuk kuptohet në qoftë se i riu ka kryer marrëdhënie seksuale në makinë apo vetëm kanë shkëmbyer vetëm puthje e prekje.
Ndërsa, gjithçka pritet të zbardhet pasi familja e vajzës ka bërë denoncimin dhe ka kërkuar të bëjnë ekspertizën. 34-vjeçari është vënë në pranga, por para policisë ka deklaruar se gjithçka ka ndodhur me dëshirën e të dyve dhe se ajo që ndjente për vajzën ishte ‘dashuri me shikim të parë’.
Discussion about this post