Një prej miqve të Erigers Mihasit, 32-vjeçarit që mbeti i vrarë në atentatin e ndodhur në Astir ka dëshmuar në polici rreth të ndjerit. Në dëshminë e zbardhur, A.H mik me Mihasin, shprehet se viktima kishte disa muaj që tregohej I kujdesshëm kur lëvizte, e madje nuk ekspozohej as në kafene.Teksa lëvizte me makinë, Mihasi sipas shokut të tij, kontrollonte deri në katër makina pas tij.
“Erigersi ishte shumë i kujdesshëm kur lëvizte, kontrollonte deri me 4 makina mbrapa. Kishte disa muaj që nuk ulej në lokale, por kur dilte me ta lëvizte me makinë”, ka thënë shoku i viktimës.
Kjo dëshmi tregon faktin se Mihasi ishte i vetdijshëm që mund t’i kryhej atentat në çdo moment, kjo edhe prej të shkuarës së tij.Ai konsiderohej si krahu i djathtë i Ervis Martinajt, ndërsa u vra disa ditë pasi ishte kthyer nga jashtë shtetit.Hetimet vazhdojnë ende, teksa akoma nuk ka një përgjegjës para drejtësisë për këtë atentat. Deri tani janë siguruar tabulatet telefonike të viktimave, që pritet të zbardhin itinerarin e tyre para ekzekutimit.Dyshimet janë se dy të rinjtë janë kontaktuar për të lëvizur rreth zonës së Astirit, megjithatë deri më tani, nga vëzhgimi i tabulateve nuk është përftuar asgjë konkrete.Po ashtu një sërë kamerash sigurie janë sekuestruar dhe ka nisur vëzhgimi i tyre pranë vendit ku është djegur automjeti tip “Toyota” me të cilin lëviznin autorët.
Discussion about this post