Autoriteti Kombëtare i Ushqimit vazhdojnë çdo ditë kontrollet në terren dhe pavarësisht masave të marra bizneset nuk sensibilizohen. Për këtë arsye në 24 orët e fundit, AKU ushtroi 121 kontrolle zyrtare dhe monitorime në të gjithë vendin në biznesi: Bar-restorant, njësi tregtimi mishi, markete, magazina ushqimore, tregtim me pakice te MMSHB-ve, njësi tregtimi peshku. Ku pjesa më e madhe kanë rezultuar në mungesë të higjienës dhe në shkelje të masave anti-covid.
Në këtë kuadër AKU ka vendosur 16 masa administrative gjobe për aktivitet jo në përputhshmëri me kornizën ligjore dhe rregullatorë të sigurisë ushqimore dhe një pjesë të mirë të tyre i ka paralajmëruar për heqje licence.
Sakaq, AKU tregon se çdo ditë janë shtuar ankesat dhe denoncimet nga qytetarët për shkelje të rregullave nga bizneset, sidomos nga marketet dhe dyqanet e fruta-perimeve.
Discussion about this post