Zbulohen dy parcela me kanabis në Krujë, shpallet në kërkim 54-vjeçari

Policia e Krujës ka evidentuar dy raste të reja të kultivimit të bimëve narkotike dhe ka shpallur në kërkim një person. Policia njofton se në Mafsheq të Krujës u gjetën 25 bimë narkotike të dyshuara kanabis sativa, ndërkohë që është shpallur në kërkim 54-vjeçari O.X, banues në Mafsheq, Krujë.

Autori dyshohet se është autori i kultivimit të 25 bimëve narkotike që janë gjatë gjetur gjatë kontrollit të ushtruar nga Policia, në një sipërfaqe toke në fshatin Mafsheq, Krujë.

Gjithashtu në njësinë administrative Cudhi janë evidentuar 152 bimë, ndërkohë që po punohet për identifikimin dhe kapjen e autorëve.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.