Serxhio Aguero u zëvendësua ndaj Alavesh pas një problemi me frymëmarrjen çka alarmoi klubin katalanas dhe tifozët e skuadrës spanjolle por jo vetëm. Nëpërmjet një postimi në rrjetet sociale, Barcelona ka zbuluar diagnosën e argjentinasit dhe periudhën se sa do të mungojë.
“Kun Aguero i është një nënshtruar një diagnoze nga doktor Zhosef Bruçada. Gjatë tre muajve të ardhshëm do të shikohet sesa efekt do të ketë trajtimi mjekësor, në mënyrë që të përcaktojmë proçesin e rikuperimit”, njofton Barcelona.
Një lajm tejet i rëndë për futbollistin 33 vjeçar që nuk po gjen dot vazhdimësinë teksa kjo goditje vjen në një moment të mirë për të pas rikthimit në fushën e blertë.
