Që në Kosovë nuk kanë mbetur të kënaqur nga injorimi që Mërgim Berisha i ka bërë kombëtares së shtetit të ri ballkanik kjo nuk është mister, shumë tifozë kanë nxituar ta etiketojnë deri “gjarpër”. Ky epitet duket i ekzagjeruar por nëse zbulon prapaskenat në imtësi, nuk ke si t’i kritikosh tifozët e Kosovës.
Menaxheri i Kombëtares së Kosovës, Bajram Shala, ka zbuluar se Mërgim Berisha e kishte pranuar thirrjen e Kosovës më 2019, para se të vendoste të luante për Gjermaninë U21.
Kosova ka mbi katër vite që e pret Berishën, i cili ishte në Prishtinë edhe para disa muajve dhe bisedoi me zyrtarët e Federatës së Futbollit të Kosovës për mundësinë për të luajtur për dardanët.
Megjithatë, ai e mori thirrjen e shumëpritur nga Gjermania javën e kaluar dhe e pranoi me kënaqësi.
I pyetur të hënën në një konferencë për media rreth çështjes Berisha, Shala tha: “Mërgim Berishën po e presim që katër vite. Mërgim Berisha e ka konfirmuar ardhjen në tetor të vitit 2019. Në atë kohë ai vendosi pastaj të shkojë të Gjermania U21. Ne patëm vendosur ta mirëkuptonim dhe presim atë që ta përfundojë karrierën me U21 dhe pastaj të vij tek ne”.
Ai e akuzoi Berishën se e përdori Kosovën së fundmi për të rritur presionin ndaj Gjermanisë.
“Atij madje patëm nisur t’i bëjmë patentën. Si Berisha edhe të tjerët po e përdorin Kosovën për ta rritur presionin ndaj Kombëtares për të cilën duan të luajnë”, shtoi ai.
Berisha, i lindur në Bavari nga prindër kosovarë të Suharekës, e kishte lënë pezull thirrjen e atdheut për shumë vite në pritje të një feste nga Kombëtarja e Gjermanisë, raporton Nacionale.
Dhe dëshira e tij u plotësuar të premten kur Flick e përfshiu atë në listën e futbollistëve të ftuar për ndeshjet miqësore të Gjermanisë në muajin mars.
Gjermani përballet me Perunë më 25 mars në miqësoren e parë, e pastaj me Belgjikën më 28 mars në miqësoren e dytë.
Berisha, i huazuar në Augsburg nga klubi turk për këtë sezon, është duke shkëlqyer me tetë gola dhe katër asiste në Bundesligë.
Në një intervistë për “Br24sport” para dy javëve, Berisha sërish e pranoi se ishte duke e pritur Gjermaninë, pavarësisht se ishte dëshpëruar që nuk ishte thirrur për Kupën e Botës 2022 në Katar.
“Nuk do ta kisha probleme ta shtyjë datën (e dasmës)”, tha Berisha duke qeshur ai pasi u pyet lidhur me një ftesë të mundshme nga Hansi Flick për Kampionatin Evropian verën e ardhshme.
Berisha ka qenë pjesë e Gjermanisë U21 – duke i bërë 13 paraqitje dhe një gol dhe nuk ka luajtur më për të që prej se u shpall kampion evropian për të rinj verën e kaluar – por asnjëherë nuk ka marrë ftesë për ekipin A kombëtar.
Discussion about this post