Mbrëmjen e djeshme, aktori Donaldi Veshaj akuzoi moderatoren Einxhel Shkira se zihet rrugëve të Tiranës me vajza dhe fakti që vjen në “Big Brother VIP” për të luftuar të drejtat e femrave nuk i duket diçka normale.
E teksa kureshtja e publikut është shtuar se për kë bëhet fjalë, është zbuluar se kush janë këto vajza. Mos u habisni, janë dy nga vajzat më të bukura të showbizit shqiptar. Bëhet fjalë për Kejvina Kthellën dhe Oriola Marashin.
Në vitin 2019, të treja vajzat e njohura të ekranit janë përfshirë në një konflikt fizik, në zonën e Liqenit të Thatë, ku banon Einxhel. Historia nisi kur Einxhel zbriti poshtë banesës së saj për të takuar Kejvinën, e cila ishte e shoqëruar nga Marashi dhe nga një diskutim “sqarimi”, sherri precipitoi në një konflikt fizik, që u vu re edhe nga patrulla e policisë e cila po bënte një kontroll rutinë në atë zonë.
Einxhel në atë periudhë konfirmoi ngjarjen në atë kohë dhe theksoi se debati ishte vetëm mes saj dhe Kejvinës dhe Oriola thjesht kishte ardhur si “mbështetje” për shoqen e saj.
“Unë u gjenda e papërgatitur, pasi zbrita për të takuar pa asnjë paramendim, Kejvinën me të cilën kemi prej kohësh një marrëdhënie shoqërore të rregullt në distancë. Atje u përballa menjëherë me një sulm fjalësh dhe kërcënimesh. Isha një kundër dy dhe në debat e sipër, gjaknxehtësia bën të vetën,” ka thënë Shkira.
Discussion about this post