Finalja e Champions League për vitin 2027 do të luhet në Madrid, në stadiumin e Atletico-s “Wanda Metropolitano”.
Ndonëse zyrtarizimi mungon nga UEFA, këtë e zbuloi presidenti i Federatës Spanjolle të Fubtollit. Rafael Lujan zbuloi se finalja do të luhet në stadiumin “Wanda Metropolitano”.
“Këtë vit Spanja ka finalen e Europa League në ‘San Mames’. Ne gjithashtu kemi të siguruar finalen e Ligës së Kampionëve 2027 në ‘Metropolitano’ në Madrid dhe pse të mos presim një tjetër finale evropiane në Sevilla.
Kam folur dy-tri herë me Ceferin dhe do t’i kërkojmë mundësinë që Sevilla të jetë pritës i një finaleje, sepse ne kemi hapësirën, qytetin dhe një infrastrukturë fantastike hoteliere për të pritur evente të këtij lloji”, theksoi Lujan.
Stadiumi i inauguruar në vitin 2017, ka pritur finalen e vitit 2019 mes Liverpool dhe Tottenham, ndërsa ajo e vitit 2027 do të jetë e dyta.
Discussion about this post