Disa punonjës që po rinovonin një shtëpi në Belgjikë kanë zbuluar një sasi ari që thuhet se vlen rreth 9 milionë euro të fshehur në muret e bodrumit të saj.
Punëtorët e ndërtimit hasën rastësisht thesarin e fshehur të shufrave të arit dhe monedhave ndërsa shponin për të vendosur tuba të rinj të ujërave të zeza në pronën në Flandrën lindore në fillim të kësaj jave, raportojnë mediat lokale.
Zbulimi ka ngjallur interes se kush mund ta mbajë thesarin. Punonjësit, përfshirë një 18-vjeçar që punonte gjatë verës, zbuluan sasinë e madhe të sendeve të grumbulluara ndërsa punonin në themelet e ndërtesës.
“Reagimi ynë i parë ishte në fakt mosbesim, habi. Në fillim mendova se ishin monedha 1€. Por pastaj pamë edhe një copë ari aty. Atëherë e kuptuam se ishte diçka më e madhe “, tha 18-vjeçari për transmetuesin publik belg VRT.
Prona aktualisht i përket CAW Oost-Vlaanderen, e cila ofron mbështetje sociale në Dendermonde, një komunitet flamand me rreth 47,000 banorë.
Discussion about this post