Edhe pse nuk tejkaloi dot pritshmërinë e tregut, Kompania “Apple” shënoi rekord të ardhurash në tremujorin e fundit.
Sipas të dhënave të publikuara nga mediete huaja, gjiganti amerikan regjistroi rekord të ardhurash prej 83.4 miliardë dollarë në tremujorin e katërt fiskal të vitit 2021, që përfundoi më 25 shtator, ishte 29 për qind më e lartë nga 64.7 miliardë dollarë të njëjtën periudhë të vitit të kaluar.
Sakaq, të ardhurat neto u rritën me 62 për qind në 20.6 miliardë dollarë në periudhën korrik-shtator, nga 12.7 miliardë dollarë në bazë vjetore. Këto të ardhura u nxitën kryesisht nga shitjet më të larta të telefonave të mençur dhe shërbimeve. Ndërkohë më shumë të ardhura u siguruan nga shitjet e iPhone, të cilat u rritën në pothuajse 38.9 miliardë dollarë nga 26.4 miliardë dollarë apo më shumë se 47 për qind. Shërbimet u rritën me 26 për qind në pothuajse 18.3 miliardë dollarë nga 14.5 miliardë dollarë gjatë kësaj periudhe.
