Zelensky thirrje liderëve europianë: Më shumë sanksione për Rusinë

Presidenti ukrainas u ka kërkuar liderëve europianë të cilët vizituan ditën e sotme Kievin të godasin me më shumë sanksione Rusinë.

Në konferencën e përbashkët për shtyp, Volodymyr Zelensky u tha homologëve perëndimorë se pushtimi i Rusisë përbën agresion kundër të gjithë Evropës.

Gjithashtu, nga ana tjetër Zelensky është shprehur se sa më shumë armë të dërgohen në Ukrainë nga vendet perëndimore, aq më shpejt vendi do të jetë në gjendje të çlirojë tokat e pushtuara nga ushtria ruse.

Pas vizitës së kryeministrit të vendit tonë, Edi Rama dhe atij të Malit të Zi Dritan Abazoviç, sot Ukrainën e vizituan kryeministri italian, rumun, kancelari gjerman dhe presidenti francez.