Zëvendëson Salianjin, Andrea Mano dorëzon formularin e dekriminalizimit në KQZ

Andrea Mano ka pranuar mandatin e deputetit dhe pritet që të zëvendësojë në Kuvend ish-deputetin, Ervin Salianjin.

Mësohet se sot Mano ka dorëzuar në KQZ formularin e dekriminalizimit. Tashmë pritet që KQZ të mblidhet për t’i dhënë Andrea Manos mandatin e deputetit.

Mano futet në Kuvend si deputet i Partisë Demokratike pasi në zgjedhjet vendore të vitit 2021 siguroi 5,465 vota.

Gjykata e Apelit dënoi më 26 shtator me 1 vit burgim Ervin Salianjin për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj. Prej 27 shtatorit ai ndodhet në burgun e Fierit.

Partia Demokratike e ka konsideruar këtë vendim si një hakmarrje politike të Edi Ramës dhe Fatmir Xhafajt dhe të pambështetur në prova dhe në ligj.