Në përfundim të mbledhjes së “Rithemelimit”, ish kryeministri Sali Berisha në një komunikim për mediat ka bërë me dije se Boçi dhe Bylykbashi kanë mandatin të negociojnë me opozitarët në emër të Partisë Demokratike për presidentin.
Gjithashtu, ish-kryeministri pas përfundimit të mbledhjes, bëri denoncimin për atë që e cilëson taksë e re për shqiptarët, që merren nga E-Albania.
“Denoncoj taksën e re që kjo qeveri ka vendosur për shqiptarët, përmes E-Albanias. Dhjetra mijëra qytetarë shqiptarë që nuk kanë internet në shtëpi, s’kanë smartpohne, detyrohen të shkojnë në zyra për të tërhequr dokumente. Nëse përpara paguanin 5 euro certifikatën, sot për të kërkuar marrjen e saj kërkojnë 10 euro. Kjo është shumë e pandershme.”
Nga ana tjetër, Berisha është shprehur dhe ka theksuar se edhe qytetarët që nuk kanë internet në shtëpit e tyre, do të paguajnë nga 10 euro sepse certifikatat e nxjerra nga E-Albania nuk pranohen nga zyrat konsullore.
“Në 2012 u hapën 1250 pika interneti falas për popullatën dhe kjo bëri të mundur aksesin në internet tek pothuajse tek të gjithë qytetarët, pa para. Sot projekti i inaguruar në pranverën e 2013 u kompletua pas nëntë vitesh me ritme breshke. Sot na rezulton që qytetarët që nuk kanë internet kompjuter në shtëpi detyrohet të paguajë 10 euro. Kjo është një taksë absurde për qytetarët, përveç kësaj një qytetar nga Saranda në informon se certifikatat e nxjerra nga E-Albania nuk pranohen nga zyrat konsullore. Një nxitim i madh pas 9 vitesh dështim, E-Albania e ndërtuar nga një kompani italiane, duhet të ishte kompletuar. Ishin pa firma dhe vula”.
Discussion about this post