Rreth 75 mijë anëtarë të Partisë Demokratike kanë nisur procesin e votimit për të zgjedhur mes Lulzim Bashës, Agron Shehajn, Edit Harxhit dhe Fatbardh Kadillit, për kryetarin e partisë që do ti udhëheqë në betejat e 4 viteve të ardhshme, deri pas zgjedhjeve parlamentare të 2025.
Në degën e PD për Fierin me të drejtë vote janë 2500 anëtarë që do të zgjedhin sot për kryetarin e ri që do të drejtojë Partinë Demokratike.
Kryetari i Partisë Demokratike në këtë qark, Luan Baçi u shpreh se janë mbi 2,500 anëtarë aktivë që pritet të votojnë. Ai theksoi se në qendra ndodhen vetëm komisionerët dhe vëzhguesit e katër kandidatëve.
Sipas Baçit, vërehet një fluks i anëtarëve të PD që vijnë për të votuar ditën e sotme.
“Gjithë javës kemi thirrur anëtarësinë me të katërt kandidatët. Një interesim shumë i madh, dolëm nga një palë zgjedhje të vjedhura. Janë të motivuar për ta vijuar fushatën tjetër, të përballjes me Ramën.”
Procesi i votimit për zgjedhjen e kryetarit të ri të PD ka filluar edhe në Berat. Në të gjithë qytetin e Beratit do të votojnë 1640 votues, të cilët do të zgjedhin mes Fatbardh Kadillit, Edit Harxhit, Agron Shehajt, Lulezim Bashës.
Në Durrës 2900 anëtarë të Partisë Demokratike votojnë sot për kryetarin e partisë. 2402 antarë të PD në Lezhë do të votojnë për kryetarin e kësaj force politike.
