Një ngjarje rrëqethëse ka ndodhur para disa vitesh në Birmingham ku një djalë vetëm 7 vjeç ka ndërruar jetë.
Mësohet se një nënë e varur nga droga është dënuar me 20 vite burg pasi akuzohet për vrasjen e djalit të saj që vuante nga astma, i cili vdiq i vetëm duke gulçuar në një kopsht. Laura Heath, i dha përparësi varësisë së saj ndaj kokainës dhe heroinës përpara djalit të saj, Hakeem Hussain më 26 nëntor 2017.
40-vjeçarja nga Long Acre në Nechells, Birmingham u dënua për vrasje të rëndë nga pakujdesi pasi djali i saj vdiq në shtëpinë e një shoku ku ata kishin qëndruar. Justice Dove tha se vdekja e Hakeem ishte rezultat i prindërimit “katastrofik dhe të mjerueshëm” të Heath.
Gjykatësi tha: Kur Hakeem Hussain vdiq në orët e para të mëngjesit, ai ishte vetëm shtatë vjeç. Është e qartë se në jetën e tij tragjikisht të shkurtër ai kishte qenë një frymëzim lumturie dhe dashurie për njerëzit që e njihni. Jeta e tij u ndërpre, u shua ndërsa ai u rrëzua dhe u mbyt në një kopsht.E vërteta është se Hakeem vdiq si rezultat i neglizhencës suaj të mjerueshme. Ju ishit plotësisht e varur nga heroin dhe kokaina. Vdekja e tij tragjike ishte si rezultat i dështimit tuaj të tmerrshëm si nënë.’’
Imazhet e shfaqura në gjykatë zbuluan se si Heath kishte modifikuar një nga pajisjet që i transformon ilaçet nga forma e lëngët në grimca të imëta e djalit të saj me fletë metalike dhe një brez elastik në mënyrë që ajo të mund ta përdorte atë për të pirë duhan.
Discussion about this post