Presidentja e Kosovës, Vjosa Osmani, ka qenë e pranishme në premierën e filmit kosovar “Zgjoi” në SHBA. Osmani ka publikuar disa fotografi nga nata e mbrëmshme ku shihet krah artistes shqiptare me famë botërore, Dua Lipës, aktores Yllka Gashi, regjisores Blerta Basholli dhe Fahrije Hotit.
Ajo këtë natë e ka cilësuar si të mbushur me madhështi, talent, hijeshi e krenari.
“Një natë në mes të yjeve të Kosovës sonë të dashur”, ka nisur shkrimin Osmani.
“Sa shumë madhështi, talent, hijeshi e krenari me një vend. Kënaqësi e veçantë t’i bashkojmë forcat me Duan tonë për të përçuar në çdo cep të botës fjalën për suksesin e mesazhin human që përcjellë filmi i jashtëzakonshëm “Zgjoi”, i Blerta Bashollit i interpretuar me mjeshtëri nga Yllka Gashi dhe kasta e supertalentuar e aktorëve tanë”, vazhdon më tej ajo.
Një reagim rreth filmit e ka bërë edhe Lipa duke thënë se duhet të shikohet patjetër dhe se e meriton një çmim ‘Oscar’.
Filmi kosovar ka korrë suksese të jashtëzakonshme duke u kthyer në një nga filmat më të pëlqyer vendor.
Discussion about this post