Pandemia i dha një goditje të madhe ekonomisë, kjo ndikuar edhe nga pezullimi i aktiviteteve. Njëri prej tyre është dhe transporti i cili shfaqi vështirësi vitin e shkuar ku disa lloje u pezulluan, ndërsa disa të tjerë funksionuan të reduktuar. Në një krahasim të bërë mes viti 2020 ku pati ndikim të madh nga pandemia dhe vitit ku jemi tani, duket qartë se 2021 ka sjellë një zhvillim më të madh. Mund të themi se kjo ishte periudha për të gjetur një lloj balance mes humbjeve të pandemisë dhe periudhës së tanishme.
Transporti i mallrave
Sipas statistikave të transportit, volumi i mallrave të shkarkuara/shkarkuara në porte, për sa i përket shtatorit të 2021 është 19.1% më i lartë se vitin e shkuar.
Në nëntëmujorin e vitit 2021, volumi i mallrave të ngarkuara/shkarkuara në porte është 3.676,8 mijë ton, duke u rritur me 18,8 %, krahasuar me nëntëmujorin e vitit 2020.
Transporti i udhëtarëve
Gjithashtu për sa i përket transportit detar të udhëtarëve, shihet se ka sërish një rritje të shifrave. Në nëntëmujorin e vitit 2021, kanë udhëtuar me linjë detare 721.789 pasagjerë, duke u rritur me 2,4 herë, krahasuar me të njëjtën periudhë të vitit 2020. E njëjta gjë ka ndodhur dhe me transportin ajror të udhëtarëve, ku numri i pasagjerëve që kanë udhëtuar me linja ajrore është 2.130.936 pasagjerë dhe është rritur me dy herë në krahasim me 1 vit më parë.
Importet/Eksportet e mallrave
Në Shtator 2021, mallrat e eksportuara me det zënë 56,1 %, me rrugë 38,3 % dhe me ajër 0,4 %. Mallrat e eksportuara me rrugë në Shtator 2021 janë rritur me 18,6 %, krahasuar me Shtator 2020.
Në nëntëmujorin e vitit 2021, mallrat e importuara me rrugë zënë 47,2 %, me det 45,8 % dhe me ajër 3,9 %. Mallrat e importuara me rrugë janë rritur me 23,8 %, krahasuar me të njëjtën periudhë të vitit 2020.
Në nëntëmujorin e vitit 2021, mallrat e importuara me rrugë zënë 47,2 %, me det 45,8 % dhe me ajër 3,9 %. Mallrat e importuara me rrugë janë rritur me 23,8 %, krahasuar me të njëjtën periudhë të vitit 2020.
Në nëntëmujorin e vitit 2021, mallrat e eksportuara me det zënë 54,3 %, me rrugë 38,6 % dhe me ajër 0,5 %. Mallrat e eksportuara me rrugë janë rritur 19,9 %, krahasuar me të njëjtën periudhë të vitit 2020.
