Një ngjarje e rëndë ka ndodhur këtë të dielë në Kroaci, ku një avion me 4 pasagjerë është zhdukur nga radari ndërsa dyshohet se është rrëzuar. Sipas mediave avioni me 4 pasagjerë u ngrit këtë të dielë në fluturim për të shkuar drejt Gjermanisë ndërsa është zhdukur nga radari dhe ka humbur kontaktet me kullën e vrojtimit.
Lajmi është konfirmuar gjithashtu dhe nga Drejtoria e Mbrojtjes në Ministrinë e Brendshme të Kroacisë.
Aktualisht në terren janë më shumë se 60 persona që po kërkojnë gjurmë të avionin pranë zonës së Slunjës ku dhe janë humbur kontaktet, por kontrolli është bërë mjaft i vështirë për shkak të situatës së keqe të motit.
“Kushtet në terren janë shumë të këqija. Terreni po kërkohet nga më shumë se 60 persona për shkak të kushteve që nuk mund të përdorim helikopter. Aktualisht jemi duke kërkuar vendndodhjen e fundit të mundshme në zonën e Slunja, por gjithçka është relative dhe do të vazhdojmë”, citohet të jetë thënë nga qendra e komunikimit të Drejtorisë së Policisë së Karllovac.
Discussion about this post