Nedim Bajrami nuk la gjurmë në grumbullimin me ekipin kombëtar teksa përtej mungesës së golit zhvilloi një paraqitje të dobët ndaj Anglisë. Megjithatë futbollisti shqiptar duket se e ka lënë pas krahëve formën e dobët me kuqezinjtë teksa ka impresionuar me paraqitjen e tij në miqësoren që Empoli zhvilloi ndaj skuadrës së militon në kategorinë C, Pratën. Bajrami realizoi një dopietë personale teksa një prej golave e shënoi me penallti.
Mesfushori me tipare sulmuese është goditësi i penalltive për skuadrën italiane teksa të gjitha tentativat nga pika e bardhë i ka shndërruar në gola. Në sfidat e fundit në kampionatin italian Bajrami nuk ka bindur me paraqitjet ndryshe nga starti sezonit ku realizoi dy gola. Sidoqoftë futbollisti ka dhënë sinjale se është rikthyer në kohën e dikurshme dhe është gati të shndërrohet në protagonist me Empolin në kampionatin italin.
Discussion about this post