Në një postimin në facebook, ish-kryeministri, Sali Berisha ka publikuar një video nga Ksamili, ku flakët e zjarrit kanë përfshirë një sipërfaqe të madhe toke duke rrezikuar banesat dhe banorët. Berisha shkruan se vatrat e zjarrit të fuqishëm që kanë zaptuar Ksamilin, nuk është marrë asnjë masë, janë pasqyrë e degradimit të plotë të shtetit për pushtetin personal të Edi Ramës.
“Ksamili në flakë! Miq, vatrat e zjarrit të fuqishëm që kanë zaptuar Ksamilin ndaj të cilave nuk merret asnjë masë, janë pasqyrë e degradimit të plotë të shtetit për pushtetin personal të Edi Ramës. Rama dhe ministrat e tij kanë parësore vjedhjen e shqiptarëve, pasurimin e tyre dhe të zyrtarëve hajdutë. Ksamili po shkrumbohet nga zjarri, duke rrezikuar toka, banesa dhe banorë. Siç shihet edhe nga pamjet, zjarri ka përparuar dhe në vendngjarje nuk ndodhet asnjë mjet efikas për shuarjen e tij. Edi Rama dhe ministrat e tij përdorin helikopterët si taksi për transport personal, ndërsa pjesa më e madhe e zjarrfikësve janë jashtë standardeve operacionale. Ksamili është në mëshirë të fatit” – shkruan Berisha në facebook.
Discussion about this post