Ministri i Mbrojtjes, Niko Peleshi, ka publikuar pamjet nga angazhimi i helikopterit ‘Cougar’ në shuarjen e flakëve që kanë përfshirë disa zona të pyllëzuara në Peshtan të Fierit.
Përmes një postimi në rrjetet sociale, Peleshi shprehet se helikoperi ka ardhur në ndihmë të forcave vendore të zjarrfikësve për të fikur zjarrin.
Ministri i Mbrojtjes thekson se në këto ditë të nxehta, qytetarët të jenë të kujdesshëm dhe të raportojnë në kohë vatrat e zjarrit.
“Helikopteri Cougar ka shkuar në ndihmë të forcave vendore të qarkut Fier për shuarjen e flakëve në zonën e pyllëzuar në Peshtan.
Në këto ditë me temperatura të larta, kur shtete të ndryshme të Evropës po përballen me zjarre, u bëjmë thirrje qytetarëve të bëjnë kujdes, të raportojnë në kohë vatrat e vogla për të shmangur përhapjen në zona më të mëdha!”, shkruan Peleshi.
Discussion about this post