Ngarkesa nga kondicionerët dyshohet të jetë bërë shkak për rënien e zjarrit në lokalin në tarracën e Gjykatës së Lartë, ku fatmirësisht nuk pati dëme në njerez.
Falë ndërhyrjes së shpejtë të forcave zjarrfikëse është bërë e mundur shuarja e flakëve. Në aksion u angazhuan 2 mjete dhe 10 forca zjarrfikëse.
Pasi u fik zjarri, tani po bëhet ajrosja e ambienteve, ndërkohë që policia njoftoi:
Më datë 20.07.2023, rreth orës 08:05, në kryqëzimin e rrugës “Myslym Shyri” me rrugën “Ibrahim Rrugova”, në një lokal në tarracën e katit të katërt të Gjykatës së Lartë, ka rënë zjarr.
Në vendngjarje ndodhen shërbimet e Policisë dhe ato të zjarrfikëses, të cilat po punojnë për fikjen e zjarrit.
Grupi hetimor po punon për sqarimin e rrethanave të ngjarjes.
Discussion about this post