Nënkryetari i Partisë Demokratike, njëkohësisht edhe kandidat i koalicionit opozitar ”Bashkë Fitojmë”, në Elbasan, Luçiano Boçi, shprehet arsimimi dhe punësimi do të jetë çelësi i integrimit të plotë të gjithë komunitetit rom në qytetin e Elbasanit. Këtë ai e ka bërë të ditur gjatë një takimi mëngjesin e sotëm me një qytetar të komunitetit rom në këtë qytet.
Postimi:
Kafja me Nebiun dhe një premtim që duhet mbajtur!
Nebiu flet pak por të imponon respekt dhe dëshirë për ta dëgjuar. Është një prej qytetarëve më të nderuar të komunitetit rom në Elbasan. Fatkeqësisht përfaqësuesit e këtij komuniteti, pushteti vendor i ka trajtuar si “numra të sigurt” në kalkulimet elektorale, duke i marrë dinjitetin herë me qese me ndihma dhe herë me zarfa parash korrupsioni.
Nebiu më kërkoi që ai dhe përfaqësuesit e komunitetit rom të mos e kenë derën e Bashkisë të mbyllur siç e kanë pasur në gjithë këto vite. Si një zotëri i vërtetë kërkoi që vuajtjet dhe sakrificat e panumërta që ka kaluar ai dhe moshatarët e tij, të mos vijnë si një trashëgimi e keqe tek fëmijët dhe nipërit e mbesat që janë lindur dhe po rriten në Elbasan.
Zotimi im është se arsimimi dhe punësimi do të jetë çelësi i integrimit të plotë të gjithë komunitetit rom në qytetin e Elbasanit.
Discussion about this post