Bora Muzhaqi, zv.ministre e Arsimit nuk e la pa thumbuar ish-zv.ministren e Brendshme, Rovena Voda, e cila është në “arrest shtëpie”, pasi akuzohet se mori 2 mijë euro ryshfet për të punësuar avokaten Florida Beu në ministri.
Në një konferencë nga Kryeministria ku foli për procesin “Gati për Shqipërinë”, dhe u pyet se a ka gjasa që burokracitë të shkatërrojnë procesin, Muzhaqi tha se nuk iu duhen as miq, as kushërinj e “larg qoftë ndonjë arkë me peshk”.
Pyetje: A është marrë parasysh të ketë një plan që këta të rinj nuk do bien sërish në grackën e burokracive që janë konstatuar herë pas here?
Bora Muzhaqi: Ky ka qenë një format aplikimi ku ndryshe nga herët e tjera nuk hyjnë në lojë as partia, as kushërinjtë as miqtë, as shokët madje as largqoftë arkat e peshkut. Ne jemi mbledhur aty bashkë e jemi përpjekur shumë fort ti dëgjojmë këta të rinj, të kuptojmë nga vijnë ata e nëse më duhet të të ktheja përgjigje është shumë e thjeshtë. Do të të jepja raste konkrte e specifike të personave që tashë janë bërë pjesë e jona.
Unë mbaj mend një rast të një vajze nga Norvegjia që ishte me specializim në ortoptisti, një nga nëntë seksionet e pjesës së shëndetësisë dhe ajo ishte në Norvegji, tani që flasim është kthyer në Shqiëri e po bën aplikimet e procedurat për t’u bërë pjesë e QSUT. Dy raste pilotësh me eksperiencë në Gjermani e Itali që do bëhen pilotët e parë të Air Albania me nacionalitet shqiptar.
