Drejtuesi i Instagramit Adam Mosseri, ka njoftuar se kompania ka filluar testimin e një risie të quajtur “Take a Break”, e cila do t’i lejojë përdoruesit t’i kujtojnë vetes të bëjnë një pushim nga përdorimi i aplikacionit pas 10, 20 ose 30 minutash, në varësi të preferencave të tyre. Edhe më parë kompania kishte njoftuar se po shqyrtonte këtë veçori. Kjo është veçanërisht e vlefshme për fëmijët, të cilët mund të “përhumben” në Instagram.
“Opsioni është menduar pikërisht për atë që mund të supozoni. Nëse e aktivizoni, do t’ju inkurajojë të bëni një pushim nga Instagrami pasi të keni kaluar pak kohë duke përdorur aplikacionin, 10, 20 ose 30 minuta. Ky opsipon është pjesë e një përpjekjeje më të madhe për t’u dhënë njerëzve më shumë kontroll në Instagram. Përfundimisht do të dini se çfarë është më e mira për ju kur bëhet fjalë për mënyrën se si e përdorni aplikacionin”-tha Mossari.
Megjithatë është e paqartë nëse përdoruesit do ta miratojnë këtë veçori, duke pasur parasysh se kontrollet e integruara të kohës para ekranit të iOS dhe Android tashmë i lejojnë pronarët e pajisjeve të vendosin kufizime në kohën e shpenzuar në aplikacionet celulare qoftë në baza individuale ose sipas kategorive, si “sociale”.
Discussion about this post