EMRAT/ Kush është viktima dhe të plagosurit nga aksidenti në Tiranë

Një aksident i rëndë ka ndodhur ditën e sotme në kryeqytet, në rrugën “Kastriotët” te Kthesa e Kamzës.

Sipas forcave blu, janë përplasur automjeti me drejtues Egzon Murataj me automjetin me drejtues Murat Dorezi.

Si pasojë e aksidentit, pasagjeri që ndodhej në automjet, 35-vjeçari Avni Gjuni, ka ndërruar jetë.

Viktima, pasagjeri Avni Gjuni

Të plagosur: Drejtuesit e mjeteve Egzon Murataj dhe Murat Dorezi

Njoftimi i policisë:

Më datë 02.02.2023, në rrugën “Kastriotët”, janë përplasur automjeti me drejtues shtetasin E. M. me automjetin me drejtues shtetasin M. D. Si pasojë e aksidentit, pasagjeri që ndodhej në automjetin me drejtues shtetasin E. M., shtetasi A. Gj., rreth 35 vjeç, ka ndërruar jetë, ndërsa drejtuesit e dy mjeteve ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.