Presidenti i Federatës Mbretërore Spanjolle të Futbollit (RFEF), Luis Rubiales, ka bërë thirrje për një “ndryshim modeli” në ligën e futbollit spanjoll dhe ka dalë sërish kundër Superligës Europiane, kompeticionit të ri të promovuar ndër të tjera nga Real Madrid dhe FC Barcelona.
Në të dyja rastet ai ka vënë në dukje se Javier Tebas, presidentin i La Liga, është një nga fajtorët kryesorë. Sipas Rubiales, refuzimi i Tebas për të bërë reforma në modelin e kampionatit spanjoll po i jep krah Superligës, duke deklaruar se ai de facto është “ambasadori më i madh” i këtij kompeticioni rebel.
“Tebas e ka dërguar La Ligën në atë stad sa klubet e mëdha po marrin në konsideratë gjëra që as nuk ishin menduar më parë. Ambasadori më i madh i Superligës nuk është Florentino Pérez apo Joan Laporta, është Tebas,” tha Rubiales për Europa Press.
Në këtë kuptim, ai ka thënë se Madridi dhe Barcelona janë “dy klube shumë të rëndësishme”, por nuk pajtohet me to në krijimin e Superligës.
“Do të ishte e rëndësishme t’i kthejmë ata në kauzë dhe që ata ta përmirësojnë futbollin brënda umbrellës së UEFA-s”, theksoi ai.
Discussion about this post