Të gjitha rrugët dhe pikat kufitare mes shteteve të Polonisë dhe Bjellorusisë janë mbyllur pas rritjes së tensioneve midis Varshavës edhe Minskut. Mediat e huaja raportojnë se, Ministria e Jashtme polake konfirmoi të hënën se Minsku shkarkoi tre zyrtarë polakë pasi dolën raporte se një roje kufitare polake dhe dy anëtarë të Konsullatës polake në qytetin kufitar Hrodna ishin dëbuar.
Ngjarja vjen pasi gazetari polak etnik Andrzey Poczubut, një kritik i regjimit të presidentit bjellorus, Aleksandër Lukashenko, u burgos dy javë më parë për tetë vjet, një veprim që ka ndezur sërish tensionet mes vendeve fqinje.
Fillimisht Polonia mbylli pikën kufitare Bobrowniki, një nga dy rrugët direkte tokësore për kamionët dhe shoferët. Ajo gjithashtu ka tërhequr konsujt e saj nga qytetet e Bjellorusisë, Grodno dhe Minsk. Autoritetet polake thanë se Minsk ende po shtyn mijëra emigrantë në Poloni.
Në vitin 2021, Polonia, Lituania dhe Letonia akuzuan Lukashenkon për përdorimin e migracionit si një mjet për të destabilizuar BE-në pasi dhjetëra mijëra emigrantë u përpoqën të kalonin nga Bjellorusia në mes të kushteve të ngrirjes. Polonia përforcoi kufijtë e saj me një gardh të ri kufitar 186 kilometra në qershor 2022.
Discussion about this post