Kombëtarja e Shpresave sfidon pas pak përfaqësuesen e Kosovës në sfidën e vlefshme për kualifikueset e kampionatit Europian. Shqipëria është favorit por dardanët janë një ekip që duhen marrë në konsideratë. Për këtë sfidë ka patur disa ndryshime në listën e të grumbulluarve.
Kështu sulmuesi Diar Nikqi, i cili ishte i grumbulluar me Shqipërinë U19, është bashkuar me Shpresat dhe do të jetë nën urdhrat e Bushit për sfidën ndaj “dardanëve”.
Ndërkohë mbrojtësi Ramen Çepele nuk është në dispozicion të trajnerit Alban Bushi pasi është dëmtuar dhe nuk do të jetë as në stol për këtë takim. Shqipëria renditet në vendin e tretë në grupin G në kuotën e 9 pikëve.
Discussion about this post