Një tjetër tragjedi është shënuar në Itali. Ky është rasti i dytë i krimit në familje që ka tronditur Italinë brenda një dite.
Një 38-vjeçar ka vrarë me thikë gruan në Sassuolo, Modena të Italisë, vjehrrën 64-vjeçare dhe dy fëmijët 5 e 2 vjeç. Më pas autori vrau dhe veten. Ngjarja në fjalë konsiderohet monstruoze pasi, nuk dihen ende motivet.
38-vjeçari, që besohet se është vrasësi i partneres së tij, dy fëmijëve dhe nënës së saj, punonte në një supermarket në Sassuolo dhe sipas informacioneve të para hetimore është me origjinë tuniziane.
Nëna e fëmijëve të tij, një italiane, ishte e angazhuar në punë pastrimi. Gruaja e vrarë nga partneri i saj, i cili më vonë vrau dhe veten në Sassuolo, kishte edhe një vajzë tjetër më të madhe, nga një lidhje e mëparshme, e cila në kohën e ngjarjes së rëndë ishte në shkollë.
Sipas dëshmive, burri dhe partnerja e tij ishin ndarë prej rreth një muaji.
Discussion about this post