Makinat moderne mund të bëhen gjithnjë e më të mëdha, por ky trend nuk vlen kudo. Një shembull i përsosur i kësaj është Ari Motors 902, një veturë e vogël elektrike për Evropën që është menduar për transportin e dy personave.
Me gjatësi 2,95 m, gjerësi 1,5 m dhe lartësi 1,5 m, Ari 902 është pak më i madh se Smart ForTwo.
Sidoqoftë, me 766 litra hapësirë ngarkese, ai mund të transportojë dukshëm më shumë gjëra sesa mikrovetura e lartpërmendur.
Sa i përket specifikimeve të motorit, Ari 902 ka vetëm 20 kuaj/fuqi (15 kW) dhe ofron një shpejtësi maksimale prej 90 km/h.
Ai mund të udhëtojë 110-200 km me një karikim të vetëm, që, në nivel, është në fakt më shumë se Mazda MX-30 elektrike shumë më e madhe.
Çmimi fillon nga 13 990 euro për modelin bazë Pure.
Discussion about this post