Kryesuesi i listës së Këshillit Bashkiak të koalicionit “Bashkë Fitojmë” për Bashkinë e Tiranës, Ilir Alimehmeti, shprehet se në zgjedhjet e 14 majit ishim në një luftë të pabarabartë.
“Ishim në një luftë të pabarabartë, çdo lloj armë joligjore u përdor ndaj nesh, na u hiqte koha televizive, fondet, kishim vështirësinë në regjistrime, u hoqën komisionerët, numëruesit. Këto bëjnë një lloj fryme në njerëz që kjo histori ka marrë fund pse të votojmë”, tha Alimehmeti në emisionin ‘Sot Live në Shqipëri’.
Në vijim ai theksoi se opozitës i duhet një riformatim dhe një hapje drejt gjeneratave të reja.
“Ne na duhet një ristartim i madh i fuqisë tonë politike që ta na çojë drejt suksesit. Ne na duhet një riformatim. Sado e dhimbshme të jetë për ca njerëz, ne duhet të shohim sa herë kemi qenë të suksesshëm, e me radhe. Si duhet të ristartojmë? E duhet ta nisim duke dëgjuar njerëzit.
Duhet të ngremë kapacitetet tona.
Patjetër që ka ndikuar përçarja. Që bashkimi duhet të ndodhë, që hapja e partisë me mekanizma, futja e figurave brenda saj, duhet të bëhet shumë e qartë në mënyrë që riformatimi të vijë natyral dhe spontan aty ku e kërkojnë njerëzit. Duhet të shkojmë drejt asaj që quhet gjeneratë e re”, u shpreh Alimehmeti.
Discussion about this post