Sulmuesi i Paris Saint-Germain, Lionel Messi ka ritheksuar edhe një herë tjetër që ai dëshiron të rikthehet te klubi i Barcelonës.
Në një intervistë për ‘Marca’, argjentinasi ka theksuar se ai ndjehet shumë mirë në Paris.
“Tani jam shumë mirë në Paris, jam përshtatur me pamjen e re edhe nëse do të duhej pak kohë. Mendova se do të jetë e vështirë, sidomos për fëmijët, por ata u përshtatën më shpejt dhe u mësuan me të. E gjithë kjo më dha një qetësi të madhe”.-tha lojtari.
Më tej ‘pleshti’ shtoi se fakti që ata janë përshtatur në Francë nuk e përjashton mundësinë e ribashkimit të tij me katalanasit.
“Tani është ujë nën urë. Ata më thanë se nuk mund të rinovonin kontratën time dhe se nuk mund të qëndroja. Nuk duhet të kërkojmë fajtorë. Në të ardhmen, të kthehemi te Barça? Gjithmonë e kam thënë se herët a vonë do të kthehem në Barcelonë, është shtëpia ime dhe nëse mund ta ndihmoj klubin, pse jo?”-deklaroi lojtari./K.T/Gijotina.com
Discussion about this post