Deputetja e Partisë Demokratike, Jorida Tabaku, duke folur në emisionin “Noë me Erla Mëhillin” tha se nuk ishte ende e qartë se çfarë do të ndodhte me zgjedhjet në PD.
“Javës tjetër në kryesi unë do të diskutoj këto propozime, mënyrën se si unë e shoh Partinë Demokratike të ringrihet, mënyrën se si unë e shoh votuesin demokrat, por edhe më gjerë që të ketë një alternativë, që të kenë shpresë dhe ta shohin te ne ndryshimin, pastaj i takon kryesisë për hapjen e një procesi votimi, për hapjen e një procesi reflektimi apo dëgjesave dhe në varësi edhe të diskutimeve që do të kemi atje, do të marrim edhe vendimet që na takojnë secilit”, u shpreh Tabaku.
Ndërsa, moderatorja Mëhilli kuptoi se kjo ishte një përgjigje që tregonte se Tabaku ishte e hapur për pozicionin e kryetares, kjo e fundit u shpreh se nuk ishte në interesin e saj karrigia.
Discussion about this post