Deputeti demokrat, Saimir Koreshi, u shpreh në studion e News24 se situate në PD është bërë si ajo në kohën e Enverit, ku në një shtëpi jetonin dy kurora, njëri merrte dhonë e kuzhinë dhe tjetri merrte një dhomë. Duke bërë një paralelizëm, Koreshi tha se meqë Berisha ka mbështetjen më të madhe ka marrë një dhomë e një kuzhinë, ndërsa pjesa tjetër, si më e vogël, ka marrë një dhomë të vogël.
Koreshi tha se deputetët nuk janë kundër procesit, por kërkojnë një proces të rregullt, që nis nga baza dhe vijon deri në zgjedhjen e Kryetarit. Por sipas Koreshit, në kushtet kur PD nuk ka seksione e grupseksione, nuk ka as degë, kërkohet të zgjidhet një kryetar.
“Ne duhet ti japim forcë anëtarit, jo të zgjedhim një kryetar, dhe pastaj ata që do të vihen të jenë në funksion të kryetarit”, tha Koreshi.
Sipas tij, PD duhet të kthehet në një parti që të fitojë zgjedhjet në 2025, jo një parti të kryetarit dhe dy-tre emrave të tjerë që mund të luftojnë për tu bërë deputet.
“Me këtë që po ndodh në PD po i bëhet qokë Partisë Socialiste. Ne do ia kërkonim Berishës të bënte një hap pas, të reflektonte ndaj asaj që ndodhi në 14 maj, nuk ka asgjë të keqe që PD të drejtohej nga të rinj”, tha Koreshi.
Sipas tij, elektorati gri, i lodhur nga sherret tona të brendshme, zgjodhi në 14 maj, që të mos votonte.
“Z.Berisha në 14 maj morri 500 mijë vota, PD zyrtare mori 103 mijë vota, ndërsa elektorati grin a bojkotoi sepse nuk patëm një ofertë bindëse, sepse u shfaqëm me sherre dhe duke ngrënë njëri-tjetrin”, tha Koreshi.
Discussion about this post