Ish-konkurrenti i “Për’puthen 3”, Argjendi, gjatë një interviste për “Shqipëria Live”, ka folur rreth largimit të tij nga emisioni dhe deklaratës së Ritvanës ku ajo e quan biseksual.
Argjendi u shpreh se ky është një provokim i ulët dhe se ai nuk e di nga u nis Ritvana që e bëri këtë akuzë.
Ai thotë se konkurrentja e bëri këtë gjë pasi kishte menduar si ta sulmonte.
“Ky është një provokim i ulët, i nivelit rrugës, do thoja unë, të cilin mendoj se nuk dua ta komentoj. Thjesht kur ndodhi kjo, mu kujtua çka më kishin thënë se kur futesh në të tillë format, apo kështu formatesh, do presësh çdo gjë të çdo lloj niveli.
Nuk e di ngase mori shkak. Ajo tha se kohët e fundit më kishte parë të rrija më shumë me djemtë dhe më pak me vajzat. Kjo nuk është aspak e vërtetë mund ta dëshmojnë të gjithë, por dhe po të ishte e vërtetë ku është problemi? Gjithë djemtë mund ta dëshmojnë se unë kam shumë pak shoqëri, kam krijuar shumë pak shoqëri me djemtë.
Unë mendoj se ajo kishte menduar si do më sulmonte, pasi unë i kisha thënë po vazhdove me këto lloj sjelljesh e lojërash do tregoj gjithçka.”- tha Argjendi.
Rikujtojmë se Argjendi u largua me dëshirën e tij nga “Për’puthen”, pasi po njihte dikë jashtë. Ai tha se ende nuk e quan veten të lidhur me vajzën, por është në njohje ku po afrohen shumë.
Discussion about this post