Sulmohet me bombë molotov komisariati i Akropolit, arrestohen 10 persona

Komisariati i Akropolit është sulmuar me bombë molotov. Mediat e huaja raportojnë se si pasojë e sulmit janë shkaktuar vetëm dëme të vogla materiale.

Sipas informacioneve rreth 50 persona të panjohur janë afruar në ambientet e komisariatit dhe njëri prej tyre ka hedhur një bombë molotov në kullën e rojës së departamentit të policisë. Në pranga janë vënë 10 persona, të cilët dyshohet se janë bashkëpuntor në sulmin e komisariatit.

Një punonjës policie ka tentuar të kapë autorin por ai ka mundur të arratiset dhe menjëherë kanë nisur hetimet për gjetjen e tij.