Janë mbyllur 45 minutat e para, të takimit mes Atletik Eskaldes dhe Partizanit, duel i vlefshëm për turin e dytë kualifikues të UEFA Europa Conference League. Pjesa e parë e takimit që po zhvillohet në stadiumin e Andorra La Vella, është mbyllur me rrjeta të paprekura, me Partizanin, që pavarësisht iniciativës, nuk ka arritur që të gjejë golin.
Ajo që bie në sy, është loja ultra-mbrojtëse e klubit nga Andorra, Atletik Eskaldes, që i është afruar portës së Partizanit, vetëm nëpërmjet kundërsulmeve, pa e kërcënuar shumë gardianin Qirko.
Duhet thënë se, njësoj si ndaj BATE, Mba nuk ka qënë inçiziv përballë portës kundërshtare, duke bërë që Partizani të mos zhbllokohet, nga ngërçi psikologjik që e ka gllabëruar pas atij eliminimi nga Chamapions League.
Në pjesën e dytë, pritet që kryeqytetasit të ndryshojnë taktikë, nëse duan që të kalojnë turin, përballë një kundërshtari kaq modest si Atletik Eskaldes./m.b /gijotina.com
Discussion about this post