Mutacioni i ri i Covid-19, i emëruar si Omicron, po përhapet shpejt në të gjithë botën duke bërë që shtetet të ashpërsojnë masat ndaj pandemisë. Franca ka identifikuar 8 raste me variantin e ri, sipas një njoftimi nga ministria e Shëndetësisë.
Sipas autoriteteve, personat e infektuar janë udhëtarë nga Afrika e Jugut. Ndërkohë deri më tani janë konfirmuar disa raste në Britani, Gjermani, Itali, Holandë, Danimarkë, Belgjikë dhe Republikën Çeke.
Sipas OBSH-së, ende nuk është ende e qartë nëse varianti i ri SARS-CoV-2 Omicron i koronavirusit është më ngjitës në krahasim me mutacionet e tjera apo nëse shkakton një sëmundje më të rëndë. OBSH po punon me disa me ekspertë teknikë për të kuptuar ndikimin e mundshëm të variantit në masat ekzistuese, përfshirë vaksinat.
“Aktualisht nuk ka asnjë informacion që të sugjerojë se simptomat e Omicron janë të ndryshme nga ato të varianteve të tjera”, tha ai, duke shtuar se rastet e para ishin te studentët, të rinjtë që priren të kenë simptoma më të lehta. “Do të duhen ditë, deri në disa javë, për të kuptuar ashpërsinë e variantit Omicron,” tha ai.
Nisur nga kjo, disa vende kanë marrë masat e para, si Japonia që ka vendosur të mbyllë kufijtë dhe të rivendosë karantinën për udhëtarët që kthehen nga vendet e prekura me mutacionin Omicron.
Discussion about this post