Egnatia ka shkarkuar trajnerin Gugash Magani. Ky vendim ka ardhur pas humbjes ndaj Kukësit me rezultatin 2-0 të dielën, në ndeshjen e javës së 10 të Superligës.
Ky vendim duke se ka ardhur për shkak të rezultateve të dobëta, duke u renditur pas raundit të 10 të kampionatit në vend të 8 me 11 pikë gjithsej.
Lajmin e ka bërë publik vetë klubi i Rrogozhinës në një postim në rrjetet sociale ku falënderon teknikun për bashkëpunimin e deri më tanishëm.
“KF Egnatia falenderon trajnerin Gugash MAGANI për bashkëpunimin. Klubi dhe trajneri vendosin të ndërpresin bashkëpunimin me konsensus. I urojmë suksese në vijim trajnerit MAGANI.’-shkruhet në postimin e Egnatias.
56-vjeçari nga Peqini u bashkua me këtë skuadër në gusht të 2020 dhe arriti të ngjiste ekipin në Superligë pas shumë vitesh. Megjithatë në ecuria në elitën e futbollit shqiptar, duket se nuk ka qenë ajo që pritej dhe për këtë arsye klubi i Rrogozhinës ka vendosur të ndërpresë kontratën me të.
Rikujtojmë që para pak ditësh ishte trajneri Edi Martini ai që u largua nga drejtimi i Teutës pas humbjes nga Partizani duke dhënë dorëheqjen./K.T/Gijotina.com
Discussion about this post