Sulmi rus në Pokrovsk, të paktën 7 të vdekur dhe 57 të plagosur

Lufta në Ukrainë arrin ditën e 531-të.

Alarmi i sulmit ajror ra gjatë natës në gjashtë rajone të vendit: Zaporizhzhia, Donetsk, Dnipropetrovsk, Poltava, Sumy dhe Kharkiv. 

Në një sulm rus në qytetin e Pokrovsk, të paktën shtatë civilë vdiqën dhe 57 të tjerë u plagosën. Këtë e ka bërë të ditur shefi i administratës ushtarake, Serhiy Dobryak.

Gjithashtu, shërbimi i Sigurisë së Ukrainës ka njoftuar se ka arrestuar një informator rus i cili po merrte pjesë në organizimin e një sulmi ajror rus në rajonin e Mykolaiv gjatë vizitës së Presidentit Volodymyr Zelensky.

Këtë e raporton Ukrainska Pravda. Informatori, i akuzuar se ka ndihmuar Rusinë të planifikojë një sulm ndaj Presidentit Zelenzky, u përpoq të zbulonte kohën dhe vendet e udhëtimit të kreut të shtetit në rajon. Ai përballet me 12 vjet burg për zbulim të paautorizuar të informacionit mbi lëvizjen e armëve dhe trupave