Zinedine Zidane është duke u diskutuar vazhdimisht se do të marrë drejtimin e Kombëtares së Francës, gjë e cila pëlqehet shumë nga trajneri që aktualisht është i papunë.
Në mediat franceze raportohet se ai ka refuzuar çdo klub, përfshirë së fundmi edhe atë të drejtimit të Manchester United, vetëm që të ulet te stoli i përfaqësueses së ‘gjelave’.
Në një intervistë të dhënë për “AEP”, Presidenti i Federatës Franceze të Futbollit, Nowl Le Graet, ka treguar për mundësitë që Zidane ka të marrë drejtimin e Kombëtares së vendit të tyre.
“Nëse Deschamps fiton Kupën e Botës, mund të kërkojë të qëndrojë. Nëse jo, mund të ketë një ndjesi për revansh. E vlerësoj shumë, nuk mund të themi se vendimi i përket atij. Mendoj se besnikëria e Deschamps i ka dhënë frytet. Të gjithë flasin për këtë. Le të imagjinojmë që Deschamps vjen dhe më thotë se nuk dëshiron të vazhdojë. Emri Zidane më vjen në mendje, pa dyshim, nëse ai është i lirë. Nuk do të pres që Zidane të jetë i lirë. Të jesh trajner do të thotë të kesh shumë ambicie. Nëse e bën këtë me llogaritje, duke pritur thirrjen, nuk është gjë e mirë”,-deklaroi ai./K.T/Gijotina.com
Discussion about this post