Petrit Ndoji, 51 vjeç është lënë në burg nga Gjykata e Vlorës pasi u kap me 4 mina me telekomandë tre ditë më parë. Ndaj 51-vjeçarit rëndon akuza “mbajtja pa leje dhe për prodhim i armëve shpërthyese dhe municioneve”.
Policia raportoi se 4 mina me telekomandë, me lëndë eksplozive C4, të programuara për shpërthim në distancë dyshohet se do të përdoreshin për kryerjen e ngjarjeve të rënda kriminale.
Megjithatë, Ndoji ka thënë para gjyqtares dhe prokurorit se i kishin ngritur kurth persona të njohur.
Sipas Petrit Ndojit, ai e kishte marrë qesen në Vorë dhe nuk e dinte se çfarë kishte brenda.
Si destinacion të fundit, lezhjani ka thënë se kishte Ksamilin ku do të merrej me shitje pronash. Për shkak se rasti është nën hetim muk dihet nëse minat kishin të njëjtin destinacion me Ndojin.
Discussion about this post