Kryetari i Shoqatës së të Verbërve në Shkodër, Ndoc Bjeshka, sensibilizohet me tetraplegjikët të cilët kane protestuar dje. Gjithashtu ai bën kërkesë dhe pushtetit vendor qe t’u japë leket, të cilat kanë vite që kanë mbetur pezull dhe i takojnë me të drejtën e tyre. Madje vuri në dukje se autobusët interurban nuk i pranojnë pa pagesë dhe shpesh herë i kanë nxjerrë jashtë
“Ne i mbështesim sepse kanë kërkesa të drejta. Ne kemi kërkesat që të na jepen 2 milionë e gjysmë lekë pa paguar që nga 2005. Kemi probleme edhe me kompanitë e autobusëve, pasi bashkia nuk i ka likuiduar dhe ata na kanë ulur poshtë disa herë”, tha ai.
Bjeshka theksoi si problem tjetër trotuarer e ngushtë dhe pusetat e hapura, duke thënë se shume herë kanë rrezikuar jetën. “Trotuaret janë mbushur nga biznes dhe nga pengojnë lëvizje, mos të llogarisim pastaj pusetat e hapura gjatë gjithë rrugëve kryesore që na rrezikojnë jetën. Prandaj kërkojmë që të gjitha bashkitë të marrin masa”, u shpreh ai, duke i bërë thirrje qeverisë dhe të gjitha bashkive në vend që të marrin masa. Kujtojmë se ditën e djeshme tetraplegjikët në Tiranë dolën në protestë para Parlamentit ku kërkonin pagesat e prapambetura që nga viti 2005.
Discussion about this post