Një aeroplan transportues që kishte lidhje me grupin mercenar rus Wagner është përplasur në Afrikë, një muaj pasi shefi i këtij grupi mercenar humbi jetën nga rrëzimi i aeroplanit në afërsi të Moskës.
Aeroplani nga epoka sovjetike Il-76 po aterronte në Mali, ku ky grup mercenar ishte stacionuar.
Gjithçka u zhvillua në afërsi të aeroportit Gao, qytet ky ku zhvillohen luftime të ashpra.
Në një moment aeroplani për transportimin e mallrave shihet duke dalë nga pista, dhe përplaset e përfshihet nga zjarri.
Deri më tani nuk dihet sa persona ishin në bord dhe nëse ka ose jo të mbijetuar. Megjithatë një video amatore shfaq momentin e përplasjes dhe shpërthimit.
Raportohet se aeroplani u shkatërruar si pasojë e një “defekti teknik” në rezervuarin e karburantit, ndërsa ngjashëm e kishte pësuar edhe kreu i Wanger.
Ai konsiderohej si një prej njerëzve më të fuqishëm në Rusi, por rebelimi i grupit të tij kundër ushtrisë ruse, bëri që ai arratiset përkohësisht në Bjellorusi.
Discussion about this post