Aktorja dhe biznesmenja ishte më e njohur për rolin e Chrissy Snow në sitcom amerikan si dhe Carol Foster Lambert në Step By Step.
Suzanne Somers, aktorja që luajti në serialin e viteve ’70 Three’s Company ka vdekur në moshën 76-vjeçare.
Ajo vdiq të dielën, një ditë para ditëlindjes së saj të 77-të, në shtëpinë e saj në Kaliforni pasi jetoi me kancer gjiri për më shumë se 20 vjet.
“Suzanne Somers ndërroi jetë paqësisht në shtëpi në orët e para të mëngjesit të 15 tetorit”, thuhet në një deklaratë nga publicisti i saj.
“Ajo i mbijetoi një forme agresive të kancerit të gjirit për më shumë se 23 vjet. Suzanne ishte e rrethuar nga burri i saj i dashur Alan, djali i saj Bruce dhe familja e saj e ngushtë.
“Familja e saj u mblodh për të festuar ditëlindjen e saj të 77-të më 16 tetor.
“Në vend të kësaj, ata do të festojnë jetën e saj të jashtëzakonshme dhe duan të falënderojnë miliona fansat dhe ndjekësit e saj që e donin shumë.”
Discussion about this post